… og fleiri hafa tjáð sig …

Þau tíðindi hafa borist utan úr hinu íslenska jólabókaflóði að óvenjulega bókin Kona verður orðlaus Lygilega sönn reynslusaga sé vel til þess fallinn að kaupa, eiga og gefa

Guðrún sagði: Jólabókin mín í ár, tvímælalaust. Keypt og lesin um leið og hún kom út. Saga af skelfilegri lífsreynslu, sögð með óborganlegum kolsvörtum húmor höfundar. Sannarlega þörf áminning fyrir okkur öll sem störfum í heilbrigðiskerfinu. Velti fyrir mér hvort hún, eða amk valdir kaflar, eigi ekki fullt erindi inn í námsefni allra heilbrigðisstétta. Takk, og til hamingju með hana Birna Guðrún Konráðsdóttir.

Kristín skrifaði: Mæli með þessari bók fyrir jólin ég er búin að lesa hana og það sem Birna Guðrún Konráðsdóttir hefur gengið í gegn um sýnir hve mögnuð hún er. Þessi bók heldur manni alveg við efnið, maður er sorgmædd, reið, maður brosir og hlær að húmornum hennar. Ég hvet alla til að lesa þessa bók og sérstaklega fólk sem vinnur í heilbrigðisgeiranum. Bókin fæst í Ljómalind og líka hægt að panta hana á textasmidja.is.  Forlagið og Penninn/Eymundsson. Birna áritar líka svo fallega ef þess er óskað. Koma svo styrkjum bókahöfund í heimabyggð sem hefur lent í átakanlegri lífsreynslu sem ekki er enn komin með 100% lausn á sínum málum. Ég sendi þér hlýjar baráttukveðjur kæra Birna

Guðrún María sendi þessa kveðju:  Þessa bók ættu allir að lesa, helst að eiga. Ég keypti þessa bók um leið og hún kom út og fékk hana strax heimsenda. Þetta er mjög góð bók og vel skrifuð. Lestur hennar tekur á því höfundur hefur lent í ótrúlegustu aðstæðum sem enginn vildi óska sér. Ég bæði hló og grét, þar sem innihaldið er mjög umhugsunarvert. Látið þessa bók ekki framhjá ykkur fara.